【撈23年續約得七千】蓋世寶含淚怒爆tvb減1/3人工劈炮:真係夠喇!

567

參加第八期訓練班嘅蓋世寶Lulu,被派去主持兒童節目就做咗18年。直到15年,無綫兒童節目大改革,舊有班底連根拔起,Lulu轉咗去戲劇組,不擅擦鞋嘅Lulu,唔夠其他藝人識做人,就算有friend帶佢去見監製,點搲都徒勞無功!
喜歡與世無爭,舒舒服服嘅Lulu,一直嚮往主持兒童節目,由小朋友嘅世界跳入戲劇組,就如去了成人世界,一切變得很殘酷!
二月底即將與TVB約滿,Lulu決定唔續約,離開效忠咗23年嘅TVB!TVB留佢嘅方法,唔係加人工,而係減。「我聽到又減,我係減人工,減1/3呀!冇萬三咁多,當佢一萬頭,唔係話佢哋對我差,我明公司有公司制度,我唔敢講話佢對我差,我呢23年喺公司唔係白過嘅!」
我啱啱拍嘅《她她她的少女時代》感覺仲差,最慘我係收信去演嘅,意思係你已經加入呢套劇!我有經驗,所以唔會第一時間就開心,因為我唔知道做咩角色,所以就等通知,但係遲遲都唔通知,就算啦,我都唔理。
呢套呢套《她她她》我會形容為,仲差過啱啱訓練班出嚟,我唔想用個差字,呢個都係我嘅機會,坦白講每一次演出都係一個機會。

喺TVB工作咗23年,今日Lulu返公司簽名拎支票,就正式同TVB say bye bye!「我唔簽之後,都有張票收返,但張票係等我老嘅時候,真真正正老嘅時候用嘅,所以呢啲錢應該會交俾媽咪幫我收埋,暫時唔好俾我用。」拎到TVB嘅長期服務金,真正加入「失業大軍」,Lulu未諗下一步要做咩!「我覺得香港人,香港唔會餓死人,只要你肯做,所以我從來都冇擔心過。」

完整片:
https://video.next.hk/mcp/encode/2019/02/12/3779820/20190211_ent_bo_fatav05_w.mp4